An Méarchlár Gaelach

Luadh cheana go bhfuil méarchlár, nó brat, Gaelach ar féidir a chur i bhfeidhm ar an ngnáthmhéarchlár Béarla a úsáidtear in Éirinn. Ní gá é seo a úsáid nuair atá an chlófhoireann Rómhánach á úsáid (an gnáthcheann), ach má tháthar chun cló Gaelach a úsáid, go háirithe leis na consain bhuailte, is fearr an Brat Gaelach a úsáid.

Tá na treoracha chuige sin ar fáil ag an suíomh seo ag Gaelchló:

Méarchlár Gaelach (Gaelchló)

Conas a oibríonn sé?

Nuair a chuirtear an méarchlár seo i bhfeidhm, i Windows XP mar shampla, feictear na litreacha “IR” sa bharra ag bun an leathanaigh, rud a thugann le fios go bhfuil an méarchlár Gaelach curtha i bhfeidhm. (Is féidir filleadh go héasca ar an méarchlár Béarla tríd an luchóg a chur os cionn na litreacha “IR”, cliceáil orthu, agus “EN English (Ireland)” a roghnú. I ndáiríre, ní gá filleadh ar an leagan EN, mar is beag an éifeacht atá ann – Tá sé ruidín beag níos deacra an siombail # a roghnú - Is gá é a bhrú faoi dhó.)

Leis an méarchlár Gaelach, is féidir ní hamháin na consain bhuailte a roghnú go héasca, ach is féidir carachtair ó theangacha Mór-roinne (ar nós ü, ä, ì agus mar sin de) a aimsiú go héasca freisin.

LibreOffice - An Próiseálaí Focal is Fearr

Foclóir Gaeilge/Gaeilge ar-líne

Potafocal